प्रहरीका गाडीमा अब अल्का अस्पतालको प्राथमिक उपचार बक्स

प्रहरीका गाडीमा अब अल्का अस्पतालको प्राथमिक उपचार बक्स


अल्का अस्पतालले प्रहरीका गाडीमा प्राथमिक उपचार बक्स (किट बक्स) राखिदिएको छ। ललितपुर प्रहरी परिसरमा रहेका प्रहरी गाडी र परिसर मातहतमा रहेका ४० वटा गाडीमा प्राथमिक उपचार बक्स राखिदिएको अल्का अस्पतालका अध्यक्ष कुमार थापाले जानकारी दिए।

किट बक्समा प्राथमिक उपचार गर्नका लागि चाहिने उपकरण र औषधि २५ प्रकारका छन् । प्रहरीलाई समस्या परेको बेला प्रहरीकै लागि र अन्य दुर्घटना हुदाँ प्रहरी नै पहिले पुग्ने हुदाँ प्रहरीले पनि प्राथमिक उपचार सेवा दिन सकोस भनेर प्रहरी गाडीका किट बक्स राखिएको थापाले बताए।

विस्तारै काठमाडौं र भक्तपुरका प्रहरी गाडीमा पनि किट बक्स राख्ने योजना रहेको बताए। अल्का अस्पतालले यस अघि उपत्यकाका ट्राफिक प्रहरीलाई पनि प्राथमिक उपचार बक्स प्रदान गरेको थियो ।

त्यस्तै गाडीमा किट बक्स राखेपछि अल्का अस्पतालले प्रहरीहरुलाई प्राथमिक उपचार सम्बन्धि २ दिने तालिम दिने भएको छ ।

 

प्रतिकृया दिनुहोस

© 2017 Setopati Sanchar Pvt. Ltd.