किर्तिपुरमा चक्कु हानेर लुटपाट

किर्तिपुरमा चक्कु हानेर लुटपाट


काठमाडौंको किर्तिपुरमा चक्कु हानेर लुटपाट भएको छ। धारिलो हतियार प्रहार गरी लुटपाट गरेको अभियोगमा रौतहट ङयाल–८ घर भएका २५ वर्षीय सुमन विश्वकर्मालाई प्रहरीले पक्राउ गरेको छ ।

विश्वकर्माले शनिबार राति किर्तिपुर नगरपालिका–२ मैत्रीनगर स्थित बाटोमा हिडिरहेका जाजरकोट छेडागाड नगरपालिका–१२ घर भएका १८ बर्षीय प्रकाश अधिकारीलाई टाउकोमा धारिलो हतियार चक्कु प्रहार गरी घाइते बनाई रकम र मोबाइल लुटपाट गरेका थिए।

सो घटनाको खबर प्राप्त हुनासाथ महानगरीय प्रहरी वृत्त कालिमाटीबाट खटिएको प्रहरी टोलीले विश्वकर्मालाई कलंकी खसी बजारबाट पक्राउ गरेको थियो । घाइते अधिकारीलाई उपचारको लागि किर्तिपुर मोडेल अस्पतालमा पठाइएको छ ।

प्रतिकृया दिनुहोस

© 2017 Setopati Sanchar Pvt. Ltd.